Ky edicion që zhvillohet nën kujdesin e zv/dekanes Dr. Elsa Skënderi Rakipllari dhe të drejtueses së zyrës së Këshillimit të Karrierës pranë FHF-së, Msc. Blerina Gega, synon të realizojë këshillimin e trajnimin e studentëve në mënyrë intensive për çështje që lidhen me karrierën dhe tregun e punës.

Në ditën e parë studentët mësuan për ndërtimin e një Cv, letrën e Motivimit dhe teknikat e Intervistimit nga e ftuara e ditës, ekspertja zj. Emi Oga. Gjithashtu, e pranishme për të ndarë me studentët dëshminë dhe përvojën e saj, znj. Mahmudije Nimanbegu, shqiptare e Malit të Zi, e cila tregoi rrugëtimin e saj të karrierës, falë këshillimit të duhur që kishte marrë.